Деветнаесет годишните студенти на ФИНКИ, Мартин Тимов, Ташо Ќосев, Александар Тасески и Александар Спасески се пласираа во финалето на инжинерските натпревари на BEST во Варшава од прво до девети август, како победници на регионалниот натпревар кој се одржа минатиот викенд. Тимот „Камиказе“ на инжинерскиот натпревар EBEC Balkan во Софија победи во категоријата Case Study во која имаа за задача да изработат концепт за уред за спасување при природни катастрофи.
Тимот на младите програмери е еден од 30-те тимови кои ќе одат во финалето во Полска. Во финалето ќе учествуваат на 100 студенти кои биле најдобри на 18 регионални натпревари ширум светот. Таму тимот „Камикази“ ќе работи на изнаоѓање решенија за проблемите кои ќе ги зададат спонзорите на настанот, организиран од BEST – Борд на европски студенти по технологија.
Дечки, IT.com.mk ви посакува среќа во финалето! :)
