TweetsPie, наградуваната македонска апликација за прегледување на најпопуларните твитови, објави нов редизајн на својата Android верзија. Со новиот минималистички дизајн на Сања Вељановска, „се следат трендовите“ и промените кои ги прави Twitter, и се додаваат неколку нови функционалности кои ќе треба да ја направат апликацијата поинтерактивна. Освен што може да се отвори кориснички профил директно од TweetsPie, може да го отворите и твитот и да @oдговорите. Претходно можеше само да се ретвитува или да се обележи твитот како омилен. Без грижа, „бескорисното копче“ останува.
„Работејќи на една интернационална апликација, неопходно е истата постојано да ја надоградуваме. Со новиот апдејт има промени како во дизајнот така и во функциите на Твитспај. Она што сакавме да постигнеме со новиот дизајн е да ја направиме апликацијата по минималистичка, а во исто време да додадеме нови функции“, вели Иван „Медо“ Димовски, основач на TweetsPie.
Концептот да ја поедностави галамата од Twitter И да ги прикаже само најпопуларните твитови му донесе две победи на TweetsPie на ланските Droidcon во Букурешт и на Mobile AppCAmp Skopje, а неодамна за апликацијата пишуваше и еден од најголемите ИТ блогови The Next Wеb. Засега редизајнот е достапен само за Android, со новата верзија на апликацијата објавена на Google Play, а наскоро може да очекуваме и редизајн на iOS апликацијата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
