Maкедонската игра Raining Blobs може да се купи од Itch.io

Maкедонската видеоигра Raining Blobs, која започна како Windows Phone апликација, по што креаторот Енди Милојкоски целосно ја преработи за десктоп, oд неодамна е достапна на Itch.io.

Raining Blobs е првата македонска игра инспирирана од јапонски сложувалки. Играта е oбјавена и на Steam Greenlight, но барем за сега чека на поддршка од фановите. Но, верзијата која е достапна на Itch.io овозможува кооперативно играње на шест играчи (двајца на тастатура и четири на контролери), кои можат да играат на три нивоа на тежина, различни варијанти на играта, па дури има и мод за луѓе кои не разликуваат бои.

Играта е едноставна, а целта е играчите да поврзат две или повеќе балончиња со ѕвездички. Истовремено колку е поголем бројот на играчи толку е поголем и бројот на поени, но и на ѓубрето кое им го фрлате на конкурентите, па играта станува поинтересна. Raining Blobs наскоро ќе биде достапна и за Linux и Mac, најавена е визуелна надградба и приказна како и додавање на достигнувања. Играта чини најмалку 6 долари или доколку ви се допаѓа можете да платите колку сакате.

[youtube]7mXlQElBiMg[/youtube]