AllWebMK 
Ако ги следите порталите во последните две-три години ќе видите дека најпопуларните наслови на текстови се „Шокантно!“, „Мора да го видите ова!“ и други сензационални наслови кои се само мамка за кликови. Причината за овие лоши наслови не е (само) затоа што новинарството е лошо, туку бидејќи сме навлечени на Facebook и маваме што е можно поголема публика, вели Љупчо Јуруковски од Off.net.mk.
Најголемо внимание, кликови и посети се добива од вести што ги имаат овие клучни зборови: „ефтино“, „брзо“, „лесно“. – @juruk #allwebmk
— AllWeb (@AllWebMK) November 14, 2014
Но, успехот кој го има Off.net.mk не е заради евтините наслови. Љупчо имаше одлична деби-презентација на AllWeb 2014, конференцијата за онлајн маркетинг што се одржа неодамна, во која побара од медиумите да си го задржат достоинството. Наместо да влегуваат во шемата на Facebook, да се обидуваат да стигнат до што е можно поголем пазар, можеби треба да си креираат своја лојална публика која ќе ги чита. Да, „шокантните“ наслови ќе донесат луѓе на вашиот сајт, но тие луѓе ќе дојдат само за таа вест и ќе си заминат брзо, без да го разгледаат вашиот сајт и труд. Наспроти нив стои лојалната публика која ве разбира, која знае што може да очекува од вас, и на која не и требаат глупави наслови за да ви верува. Таа публика која треба да ја изгради секој медиум е публиката за која треба да се креира квалитетна и локална содржина.
[youtube]zZ6zGelQlP8[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
InPlayer 
