Пред скоро време пишувавме дека LinkedIn подготвува нов дизајн, a сега компанијата го објави редизајнираниот LinkedIn Today. Ова е дел од сајтот преку кој сега ќе понудат подобар преглед на новостите за своите корисници.
Една од поголемите новини е можноста корисниците директно да коментираат и споделуваат содржини во својата мрежа.
„Овие можности, заедно со веќе постоечката можност за лично уредување на фидот со новости, освен тоа што им ги крати маките со скролање надолу и им нуди релевантни информации кога им требаат на корисниците, исто така им овозможува да видат што им се допаѓа на личностите во нивната мрежа.“, вели Рајан Рослански на официјалниот блог на LinkedIn.
Новиот Trending in Your Network таб ќе овозможи да се следат специфични содржини од одберени индустрии и компании, со содржина која е најпопуларна межу луѓето од таа индустрија. Со овие можности покрај брзото наоѓање на релевантни информации, ќе можете да видите и што вашите колеги или конкурент мисли за одредена содржина.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
