Колапсот на FTX: Зошто пропадна втората најголема крипто-берза во светот

Крипто маркетот доби масивен удар во последниве неколку недели, а сите покажуваат со прст на еден човек – Сем Бенкман Фрид.

Тој е основачот на втората најголема крипто берза во светот – FTX.com. Според многумина, тој беше крипто генијалецот кој сите го чекаа да ја однесе крипто индустријата во следната фаза. Како профил на човек навидум не го интересираат пари, донира на хуманитарни цели, вози обична Тојота, и живее со неговите цимери… барем таква слика беше претставена за човекот кој го измами светот за милијарди долари пред да се разоткријат деталите. 

Основачот на FTX.com, Сем Бенкман Фрид

Хаосот започна откако FTX објавија дека се инсолвентни, по што крипто светот полуде…

Хорор приказната ги инволвира и Binance – најголемата крипто берза во светот, која сакаше да ги купи FTX, па се откажаа откако се направија дополнителни проверки во компанијата. Сем Бенкман Фрид кој вредеше 16 милијарди во еден момент, одеднаш вредеше 0 долари. Alameda Research, компанија која е исто основана од овој крипто гениј, исто така влијаеше врз целиот пазар.

Повеќето од популарните криптовалути сега доживувваат падови во опсег на 50 до 90%.

Главното прашање кое ги мачи сите е, како еден човек можеше да има толкаво влијание врз целиот крипто пазар?

Опционален совет

Првото нешто кое мора да се спомне е тоа што ситуацијата со овој скандал се менува константно. Премногу информации стигаат од сите страни, и многу новитети испливуваат на виделина. Една од работите кои мора ги имаме сите во предвид во вакви ситуации е колку е важно да ги чувате вашите дигитални средства во хардвер крипто паричници. Кога некоја берза пропаѓа, таа ги замрзнува средствата и нема да можете да си ги повлечете. Како што вели познатата крипто поговорка – ако не се вашите клучеви, не се ваши криптовалутите (not your keys, not your crypto).

Да повториме…


FTX и Alameda Research

FTX и Alameda Research се две компании основани од Сем Бенкман Фрид, кој има дипломирано на MIT универзитетот по физика и има работено како трговец на хартии од вредност за реномираната Jane Street Capital. Во 2017-ta му доаѓа идеја дека има многу можности во светот на криптовалутите и основа компанија за трејдање која се вика Alameda Research, заедно со еден од неговите пријатели од факултет, кој претходно работел во Google. 

Парите фирмата ги има направено преку арбитража. Сфатиле дека Bitcoin во Америка е 10 долари поефтин од Bitcoin во Јапонија, па така купувале ефтино, а продавале поскапо. Почнале со 200 долари и скалирале до 10 до 15 милиони на ден.

Две години подоцна, Сем изјавува дека не само што тргувале Bitcoin, туку тргувале со скоро секој токен на секоја берза и правеле премногу пари. Во 2019-та изјавил дека правеле 4 до 5 проценти месечно во лош маркет, а акумулирале толку многу токени за да станат едни од најголемите играчи во светот. Непосредно по таа изјава, почнуваат да работат со сите големи берзи, а дури им помагале и на Binance да извршат големи трансакции. Затоа, кога Сем решил да направи своја берза за тргување со фјучерси (Futures Trading Exchange – FTX), Binance биле едни од првите инвеститори.

Кога започнале со работа, немало нешто многу корисници, но Сем знаел дека има околу 20 милиони трејдери со фјучерси кои сакале подобро место за тргување. Она што ги направило FTX многу популарни е листањето на FTT токенот во летото 2019 година. Тоа привлекло многу инвеститори, а соработката со Alameda и Binance ги направила уште поголеми. FTT токенот започнал на Etherium, а завршил на Solana и на BNB ланецот.

За време на приватната продажба на токени, најголеми инвеститори во токенот биле Alameda Research (компанијата на Сем), Binance, Multi Coin Capital, Coinbase, и други. Е сега, односот помеѓу FTX и Alameda е многу интересен бидејќи двете компании се на Сем. Имало договори за различни иницијативи, колатерали, и користења кои не се водат во прописите.

Секоја берза користи дел од провизиите што ги прави со тргување да си ги откупува своите токени за да може да ја одржува цената, а и за да го намали нивото на инфлација. FTX гореше токени секој понеделник, и си ја зголемуваа цената.

Во 2020, оваа берза почна експоненцијално да расте. Стимулус чековите во Америка придонесоа да милиони млади крипто купувачи ги искористат своите 1200 долари на маргини х100 на токени кои најавуваа дека ќе се листаат на FTX. Тоа е годината кога буквално секој коин во крипто светот порасна неколку пати, и се роди крипто дегенството со 1000+% во награди доколку чувате некој коин. Маркетот цветаше, Сем не беше познат, ама правеше многу пари. Лека полека, навлегува во политиката на Вашингтон, и доаѓаме до тековниот проблем.

Проблемот на FTX и Alameda

Alameda Research биле само неколку часа пред инсолвентност поради ликвидации во време на пандемијата. Ова значи дека компанијата не менаџирала добро со ризикот уште во 2020, и правеле опасни тргувања. 

Вреди да се спомне дека тука е и берзата FTX, како и лошата навика на Сем да тргува со големи суми во фјучерси. На 2-ри ноември, Coindesk објавија статија која вели дека најголемиот дел од средствата на Alameda се во FTT токени (третина од нивните 14 милијарди долари). Многу корисници станаа уплашени бидејќи сметаа дека нивните токени од берзата се користат во Alameda, а со тоа почнуваат да си ги повлекуваат средствата….

FTX немаа доволно крипто при рака за да ги исплатат сите корисници. Доколку ова ви звучи познато, истото се случи и на Celsius кои правеа слични работи со средствата на потрошувачите. За да се покријат трошоците на FTX, Alameda почнуваат да продаваат од нивните средства за да ги исплатат корисниците, и така започнува негативната спирала која ги носи во пропаст.

Главната извршна директорка на Alameda – Каролина, објави на Twitter дека балансот на Alameda кој го објавиле Coindesk е точен, но дека имаат уште 10 милијарди долари кои не се напишани таму.

Во овој момент влегува најголемиот играч – Binance.

Иако Binance и FTX биле во тесна соработка кога станува збор за продавање на токени, во 2021 Сем го откупува целиот влог на конкурентската берза во своите FTT токени за 2 милијарди долари. Потоа, двете берзи влегуваат во конфликт кога извршниот директор на американската Binance, Брајан Брукс издава деловни тајни за својата берза на Сем.

Чангпенг Жао, познат како CZ, основачот на Binance, само чекал момент да му врати на Сем. Во светот на бизнисот нема пријатели, и CZ како ајкула се спреми за напад. Откако излегоа деталите за Alameda, CZ најави продавање на сите FTT токени на Binance што најверојатно ќе резултира со делистање на BNB од берзата на Сем. Поради конфликтот, и двата токени (FTT, BNB) страдаат. Тогаш, Каролина, главната извршна директорка на Alameda, се нуди да ги купи сите FTT токени во приватна продажба по оригиналата цена, најавувајќи дека ги имаат тие пари. 

CZ претпоставил дека тоа е блеф, и дека фирмите на Сем користат FTT како колатерал за кредити и фјучерси. Поради оваа јавна расправија, многу луѓе почнaa да продаваат, и започнaa ликвидации на FTX уште пред Binance да почнат да продаваат.

Цената падна 30%, и FTX ги замрзнаа повлекувањата од нивната берза. Таа вест се ширеше побрзо од гром во крипто светот, бидејќи се ближеше инсолвентноста на FTX и на Alameda. Тогаш, се случи нешто незамисливо, а тоа е дека CZ и Сем најавија дека Binance ќе ја купат берзата FTX за да им помогнат со проблемот на ликвидност.

Ова само потврди дека FTX се во голема криза. Ден потоа, Binance најавија дека нема да ги купат бидејќи FTX имале дупка од 8 милијарди долари. Тоа ја влоши ситуацијата и за Alameda, кои го исклучија и својот вебсајт.

Крипто маркетот од тогаш се движи како да е во слободен пад. Сем се огласи на Twitter за неговите грешки, се дознаа информации за преместување пари на Бахамите, ги хакнаа, Бајден најави регулативи за крипто, а тоталната штета може да биде околу 50 милијарди долари.

Деталите на овој луд настан ќе ги разгледаме повторно откако се расчистат сите информации. Сега за сега, несигурноста и стравот во крипто светот се на највисоко ниво. 

Што се дискутира на ИТ форум...Kоментари на статија (0)

Loading new replies...

Не бе криптото не е превара, баш е legit. Не знам откај вакви дезинформации...

одговори 2 лајкови

Што има врска крипто со менувачници и лопови, ако пропадне штедилница парите ли не чинат?

Дајте малце ИТ форум сте, бар не коментирајте безвеза.

Испратено од LYA-L29 преку IT.mk форум апликација

одговори 1 реакција

Што има врска крипто со менувачници и лопови, ако пропадне штедилница парите ли не чинат?

Дајте малце ИТ форум сте, бар не коментирајте безвеза.

Испратено од LYA-L29 преку IT.mk форум апликација

Ќе видиме на крај..

одговори Лајк

Што има врска крипто со менувачници и лопови

Па менувачници и лопови го водат тој пазар.

одговори 1 реакција

Што има врска крипто со менувачници и лопови, ако пропадне штедилница парите ли не чинат?

Дајте малце ИТ форум сте, бар не коментирајте безвеза.

Испратено од LYA-L29 преку IT.mk форум апликација

Кажи ми еден легит тип на „бизнис“/проект каде криптото било примарно платежно средство и истиот, не е за перење пари или сиви/црни бизниси? Не поврзувај фиат со крипто. Има шанси и нашиве пари поради X причини да им падне вредноста, али споредбено со криптото, разликата е милион вс 1 (милион шанси криптото да рикне пред нашиве пари).

Јас почнав со крипто негде крај на 2016/2017. Тогаш Етереум почнуваше од 40 долара да се крева како луд и сите се тепаа за графички. Тогаш таа година се убедував дека криптово е иднината бла бла бла бла. Искрено, појма немав што правев. Видовме дека се прават пари, купувавме графички, копавме нешто, се заебаваме по интернет, овие клауд сервисиве шо беа (пошто неискусни) не заклаа по некој 2/3 бона и тоа е тоа.

Од 2018 тврдам дека 99% од валутиве се користат примарно за криминал. Не дека така ми текнало, него со мало гуглање ќе видиш што се дешава. Сите тие што прават комбинации на интернет и кои се сумљиви, користат крипто како пејмент метод. Да не правиме муабет колку АСИК страни излегоа и само крипто примаа. Да биле легит ќе примале виса/мастер и ќе имале терминал за плаќање. Можеби одредени валути имале друга намена на почетокот или креаторот го замислил проектот за друга работа, но џабе е се тоа, денес единствено за криминал се користат. И ова зборам големиот свет во крипто, не ти и ја што трошиме 50 долари да се искоцкаме на нет.

Закчучок: Или правиш комбо со нив за да ќариш нешто или правиш нешто сиво/нелегално па затоа користиш крипто. Не глеам друга потреба.

Крипто или дигитална валута можеби и ќе биде стварно иднината, али тоа ќе бидат „токени“ или валути кои ќе бидат строго регулирани и контролирани. Валути што преку ноќ може да им падне или крене 70% од вредноста не може да се гледаат како нешто сериозно.

одговори 4 лајкови

Јас не знам како луѓе сеуште се крстат и надеваат во валути кои не се регулирани, тотално без никакви гаранции, и зависат од тоа како ќе им прдне на поединци главни играчи.

Разбирам дека убава беше заработката. Меѓутоа ризикот си постои секогаш. Ова разменско средство има најволатилна вредност до сега во историјата. Милиони копачи рмбаат, планираат и тријат раце дека ќе биде, а само неколку личности во светот на крај ќарат.

Мислењето е автоматски споено:

Крипто или дигитална валута можеби и ќе биде стварно иднината, али тоа ќе бидат „токени“ или валути кои ќе бидат строго регулирани и контролирани. Валути што преку ноќ може да им падне или крене 70% од вредноста не може да се гледаат како нешто сериозно.

Така е. Само да се надоврзам. Не може валута која е копана со графичка од дома да биде иднината. Дигитална валута се жирални пари. Но крипто без поддршка на економијата и која никако не е врзана со GDP, текови на пари и сл. нема да може да биде ништо повеќе од шпекулативен метод за перење на пари. Вредноста на средствата за размена мора да биде базирана на реални и мерливи фактори а не само понуда и побарувачка. Баш и затоа криптото е толку нестабилно.

одговори 5 лајкови

ваљда она бајнанс наредно ќе пропадне и да пукаме шампањот. Иначе децентрализирано е, вашите пари се добро инвестирани.

одговори 2 лајкови

види цела содржина...

ваљда она бајнанс наредно ќе пропадне и да пукаме шампањот. Иначе децентрализирано е, вашите пари се добро инвестирани.

Funds are SAFU

одговори Лајк

А најјако е што типот почна да оди и на конференции, значи онакво мочање врз луѓе кои вложиле немам видено. Не знам како до сега некој не му го свирнал куршумот, јер нели америка дете се раѓа и одма пиштол му купуваат. Ептен мекуши испаднаа.

Онтопик:
Пропадна зашто ја водат неизживеани деца кои ќе видат многу пари, и слабо регулација или ја има но не е транспарентна.

одговори Лајк

Добивај известувања
Извести ме за
guest
9 Коментари
Најнови
Најстари Со највеќе гласови
Inline Feedbacks
View all comments