Koj e новиот сајт на Државниот пазарен инспекторат?

Сајтот бил одличен, велат неколку медиуми, но не ја кажуваат интернет адресата каде може да се најде истата страна. Google не дава резултат бидејќи страната е нова. Дури и ако побарате по линковите на сајтот на Министерството за економија и Министерството за информатичко општество нема да ја најдете страната. Барем не во моментов.

Тогаш која е интернет адресата? Интересно, три медиуми, InPress, Kurir и Netpress ја пренесоа веста за новата страница и за новиот софтвер, но не му кажаа на обичниот граѓанин каде може да се заинтересира, да погледне и да се информира. Зарем медиумите не беа да информираат основни информации, а не да copy-paste текстови од други? Зарем веб медиумите немаат можност за закачување линк?

Еве што пишаа трите медиуми:

Скопје, 16. февруари 2011 (ИНПРЕС)
извор: Курир фото: архива

Државниот пазарен инспекторат, денеска ја промовира новата софтверска апликација и веб-страницата, изработени со поддршка од министерството за економија и УСАИД-проектот за државно опкружување.

Целта на овој проект е со цел да се зголеми и подобри информираноста за бизнис заедницата на јавноста и потрошувачите, за работењето на пазарниот инспекторат од една страна, а од друга страна со овој софтвер да се олесни работата на инспекторатот и инспекторите, истакна директорката на државниот пазарен инспекторат, Елизабета Чингаровска.

Министерот за економија, Фатмир Бесими потенцираше дека овој проект значи промоција на нов менталитет во државните институции и бизнис заедницата.

Во рамките на проектот изработени се брошури и друг рекламен материјал, кои се наменети за бизнис заедницата и за потрошувачите, како и една брошура која е водич на државниот пазарен инспекторат, а истите ќе бидат достапни на македонски и албански јазик. (Крај)

Еве дел од текстот што паѓа во очи „Целта на овој проект е со цел да се зголеми и подобри информираноста“ и „промоција на нов менталитет“. Претпоставувам дека новиот менталитет не подразбира криење основна информација за основен линк во дигиталната ера.

Без линк нема сајт, како што без читатели нема медиум.

Предизвик:
Првиот кој ќе го пронајде и објави во коментарите на овој текст линкот до новиот сајт на Државниот Пазарен Инспекторат ќе добие IT.com.mk маица! Корисникот мора да биде логиран со Facebook или Twitter.