Microsoft Teams е супер алатка за колаборација која значително ја олеснува работата на далечина. Алатката може да се користи за текст разговори, видео средби и повици, но и за споделување на фајлови на кои повеќе луѓе може заеднички да работат. Teams преку преглед на аналитика овозможува и некаквo следење на работата.
Дел од податоците кои се достапни се:
- Времетраењето и периодот во кој некоја од апликациите се користи. Во овие информации се достапни податоци за апликациите од Microsoft, но и за апликации од други производители на софтвер кои се следат. Во овој сет на податоци е достапно колку членови на тимот ги користат апликациите, во кои делови од денот и колку време.
- Колку време тимот поминува во разговори и колку овие разговори ја чинат компанијата.
- Како изгледа комуникацијата во тимовите: колку пораки се испраќаат во тимот; колку одговори се испраќаат; колку активни канали користат тимовите и колку пораки има во каналите.
- За членовите на тимот поединечно, може да се погледне во колку „средби“ и во колку разговори учествувале; колку пораки или постови објавиле, колку пораки во различни канали испратиле; колку одговори имаат; колку часа аудио и виде разговори имаат и слично…
Microsoft Team не овозможува детален преглед за секој корисник поединечно. Единствените податоци кои се врзани за одделни корисници се однесуваат за последните активности на членовите на тимот; кога некој корисник последен пати користел Excel; кога последен пати проверил пошта; кога последен пат бил на Skype и слично. Алатката овозможува преглед на завршени таскови, но не и детален преглед на времето поминато во работа.
