Метаморфозис 
„Слобода и приватност на Интернет“ е темата на единаесеттата меѓународна конференција е-Општество.мк, која е закажана за 10 декември во Holiday Inn, Скопје.
Дел од темите кои ќе бидат опфатени оваа година на конференцијата се човековите права како основа на современото општество; приватност на Интернет; слобода на изразување; најдобрите практики во едукацијата за човекови права; алатки за подобрување на безбедноста онлајн; новинарски стандарди и човекови права; и борба против говорот на омраза.
Посетителите ќе имаат можност да ги слушаат говорите на амбасадорка на Франција во Македонија, Лоранс Оер; Џилијан Јорк од Electronic Frontier Foundation; Катрин-Амели Шасан, генерален секретар на Меѓународниот институт за човекови права и мир; Тихомир Лоза од Мрежа за професионализација на медиумите во Југоисточна Европа; Борјана Џамбазова oд Асоцијација на европски новинари – Бугарија и повеќе други релевантни гости.
Настанот е во организација на Фондацијата Метаморфозис а заинтересираните можат да се регистрираат за учество до 8 декември. Конференцијата се спроведува во рамки на проектот „Децентрализирана соработка помеѓу регионот Долна Нормандија и Република Македонија“, а во соработка со Меѓународниот институт за човекови права и мир од Каен и претставува продолжување на долгогодишната соработка на Метаморфозис и регионот Долна Нормандија во областа на човековите права.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
