Глобалниот лидер во ИТ сферата кој им нуди ултимативно стриминг искуство на сите спортски фанови, Делтатре, најавува нов и уникатен настан за tech заедницата во Скопје. 

Првиот „ОТТ Meetup“ е дел од серијата на вакви настани кои Делтатре планира да ги организира во повеќе градови низ светот, започнувајќи во Скопје. Она што го прави овој настан уникатен и атрактивен е можноста на членовите на tech заедницата да се вмрежат на едно место и да ги споделат своите знаења и мислења за актуелните прашања од светот на ОТТ(over-the-top) и стримингот, како и да ги надоградат своите вештини.  

Говорници на настанот ќе бидат:

• Џејмс Мекпарлејн – Директор на софтвер инженеринг во Делтатре
• Томислав Насков – Сениор софтвер инженер во Делтатре

Џејмс ќе го посвети своето предавање на начините на олеснување на стримингот во време кога сѐ е отежнето во светот, додека пак Томислав ќе објасни како го спровеле процесот во кој една видео стриминг апликација да биде поставена на повеќе уреди од различни производители, а притоа да е управувана од еден административен панел. 

По говорниците ќе има простор за запознавање и дружење на учесниците на настанот кои ќе можат да ги разменуваат своите мислења на темата.  

„Светот на OTT и стримингот е комплексен и во него постојат многу предизвици кои се вредни за дискусија. Навистина сме возбудени што го започнуваме овој нов серијал на Meetups во Скопје кои ќе им овозможи на индивидуалци од областа на развивање софтвер и инженеринг да се соберат заедно, да научат нешто повеќе за предизвиците со кои се соочуваме од експерти во индустријата и секако да се поврзат со луѓе кои имаат слични мислења и интереси.“ – Џејмс Мекпарлејн, Директор на софтвер инженеринг во Делтатре  

Првиот „ОТТ Meetup“ во Скопје ќе се одржи во Четврток (03.11.2022) во просториите на Делтатре во Менхетан Бизнис Центарот. Настанот започнува во 18:00 часот. 

Потврдете го вашето присуство, регистрирајте се тука