Прилепската академија Микросам организира конкурс за бесплатна обука за програмирање во С++ и линеарни трансформации. Курсот е закажан за 14-ти октомври и ќе се спроведува во наредните четири месеци. Предавањата во текот на курсот ќе ги држат универзитетски професори и искусни инженери. Микросам вели дека на учесниците ќе им обезбеди услови за посетување на курсот, но потсетува дека не доделува дипломи. Курсевите се практичен вовед во програмирањето.
Сите заинтересирани кандидати треба да имаат елементарно познавање на било кој програмски јазик и средношколска математика. Изборот на курсисти ќе се одвива преку тестирање закажано на 8-ми октомври, а ќе се тестира логичко размислување. Конкурсот за кандидати трае до 7-ми октомври, и сите заинтересирани треба да се обратат на akademija(at)mikrosam.com.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
