Македонската блог платформа Блогираме.мк планира да организира трети блогираме и Twitter награди во 13 декември 2014-та година. Планот е наградите да бидат во петок за да дојдат многу луѓе. Но, пред да се организира настанот ќе треба да се соберат „многу пари од сите оние кои ќе сакаат да го искористат настанот за своја промoција и ќе ни даат нешто кеш под рака“.
Како и досегашните Блогираме.мк награди, ќе има околу дваесетина категории за избирање на најдобрите постови, блогери, нови лица на сцената, најдобрите твиреџии од прва и #третасмена, најсмешните твитови и што ти уште не. Номинациите во сите категории ќе бидат одберени и предложени од публиката, која потоа ќе гласа за нив, како што до сега беше пример. Но, засега номинирањето не е започнато, бидејќи се чини дека се бараат спонзори.
„Затоа значи кој има вишок пари, алкохол, опрема за озвучување, светла, локали, нечисти пари од дрога што би сакал да ги испере, сериозен продукт, услуга, нова тарифа и сака да ја презентира слободно нека не исконтактира на нашата Facebook странa или Тwitter или на меилот [email protected]“, велат од Блогираме.мк.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Web Factory 
Netcetera 
M3DS Academy 
