Од 3-ти до 5-ти октомври е закажан Startup Istanbul, еден од најголемиот ИТ настан во Југоисточна Европа, и ексклузивен собир на водечките стартап, интернет компании, ангел инвеститори и инвестициски фондови од Европа и Азија. Секоја година повеќе од 100 стартапи, 200 инвеститори и 1.500 присутни доаѓаат во Истанбул за да бидат дел од овој настан. Меѓу нив се и познати акселаторите и фондови како 500 Startups, Y Combinator и Techstars.
Клучен момент во Startup Istanbul е натпреварот меѓу стотина стартапи на кој се поканети и македонски стартапи и претприемачи да се регистрираат. Настанот може да биде отскочна даска за било кој стартап кој има иновативна идеја. Минатогодишниот победник беше платформа за коресподенција connected2.me која доби инвестиција од 432.000 долари од 500 Startups за да се пресели во Силицумската долина. Покрај натпреварот, ќе има и куп говорници кои ќе ја споделат својата стартап приказна, ќе споделат совети од претприемаштвото и по некој совет за како се води успешна компанија.
Startup Turkey и Startup Istanbul се организирани од страна на Etohum. Некои од инвеститорите и компании кои присуствувале на овие настани претходните години се: MasterCard, PayPal, Intel Capital, Google Ventures, 500 Startups, Accel Partners, and Simile Ventures.
Во соработка со Startup Selfie доделуваме два промотивни кодови од вредност од 45 евра за Startup Istanbul. Ако сакате да одите во Истанбул, побрзајте и пишете имејл на startupselfie (ат) gmail.com. Првите двајца ќе ги добијат кодовите)
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Web Factory 
Netcetera 
