Факултетот за електротехника и информациски технологии (ФЕИТ) стартува бесплатен курс за сите кои што сакат да научат програмирање. Курсот е почетнички, односно за оние што сакаат да се запознаат со програмирањето и немаат претходно предзнаење. Ќе трае пет дена со по три часа активности во кои ќе се предава за основите на програмирањето и дизајнирањето алгоритми.
Целта на Code@FEIT 2013 е да покаже нов пристап кон програмирањето и да ги мотивира младите да учат да програмираат и да креираат софтверски апликации. Иако курсот е првенствено за студентите на ФЕИТ, факултетот вели дека тој е отворен за сите заинтересирани без разлика на возраста и професионалната одредба. Code@FEIT 2013 е организиран од Институтот за компјутерски технологии и инженерство при ФЕИТ и наставата целосно ќе биде покриена од наставниот и соработнички кадар на Институтот. Курсот ќе се одвива во просториите на Факултетот за електротехника и информациски технологии (ФЕИТ) во Скопје, секој работен ден од 10 до 13 часот почнувајќи од 10-ти до 14-ри септември 2013 година.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
M3DS Academy 
