Microsoft ќе почне да ја продава својата најнова конзола XboX One од 22 ноември првин во 13 земји, а потоа од 2014-та година и во останатите пазари, меѓу кои е и Македонија. Интересно, продажбата на Xbox Оne ќе започне недела дена по продажбата на конкурентната Sony Playstation 4, која ќе биде достапна од 15 ноември. И двете конзоли ќе бидат пуштени во продажба пред божиќните и новогодишните празници.
Microsoft вели дека го забрза за 10 отсто процесорот на Xbox One, сега на 1,7 GHz, но хардверот е всушност најмалиот проблем на конзолата. Уште од самото претставување, гејмерите се незадоволни од неколкуте услови кои ги стави Microsoft. Проблем е секако цената од 500 евра која е повисока од Sony Playstation 4, која е околу 400 евра, иако најчестите критики се за потребата да се поврзе Xbox на интернет барем еднаш во 24 часа и за рестрикциите за споделување на игри, кои Microsoft под притисок од гејмерите ги поништи. Xbox One наиде и на критики од инди-студијата кои одбиваат да крераат игри за конзолата.
Но, и покрај лошиот почеток и критиките кои, да бидеме искрени, Microsoft ги прифати и реагираше, пример, сега не мора Kinect да биде биде постојано активен за да работи конзолата, Xbox One е добра конзола која доаѓа со 23 игри меѓу кои најновите Assassin’s Creed, Battlefield 4 и Call of Duty: Ghost. Несомнено е дека гејмерите ќе бидат ставени во искушение која конзола да одберат.
[youtube]TP_E6Bn6fWM[/youtube]
