G6 Solutions се гости на тринаесетиот Mobile Monday кој ќе се одржи на 10-ти декември во 18:30 часот во Клубот на новинари во Скопје. На настанот, G6 ќе го споделат своето искуство со креирање апликации, меѓу кои е и победничката Crack Your Screen. Оваа апликација освои прво место на неодамнешниот Samsung Smart App Challenge.
Дечките од G6 Solutions ќе дискутираат и за нивното учество на Balkan Venture Forum и MobileAppCamp, каде ги претставија своите веб и мобилни продукти пред потенцијални инвеститори.
Младиот стартап составен од пет студенти од ФИНКИ, поточно пост-дипломци и дипломирани, освен што работи outsourcing за други клиенти, зад себе веќе има реализирани мобилни апликации како Tic Tac Toe, Transparent Screen, Minesweeper Marathon и други.
