Награда за социјално претприемништво 2016 е натпреварот организиран од Млади Инфо за македонските студенти кои треба да претстават иновативни општествени решенија. „Нашата мисија со наградата е да се зголеми интересот меѓу младите за социјалното претприемништво и преку него тие да ги спознаат можностите за развојот на сопствената кариера“, вели организацијата.
Натпреварот се одржува по втор пат, а иако лиценцата за одржување ја има Млади инфо, настанот сепак е инициран и основан од Универзитетот за бизнис и економија од Виена и Impact Hub.
Покрај натпреварите, далеку поважен дел е едукативниот во кој се предвидени работилници за учесниците. Првите работилници започнуваат веќе следниот месец, а ќе се организираат во Скопје, Битола, Гостивар, Охрид, Тетово и Штип. Во текот на оваа фаза учесниците ќе започнат со креирање на идеја, но и нејзин развој до решение кое веќе би можело да се имплементира. За најдобрите се предвидени награди, и можност за патување во Виена на презентација, менторство и инкубација за финализирање на развојот на решението.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
