Дружење, програмирање и креативно изработка на видео игри oд нула, за само два дена. Ова во суштина е целта на Global Game Јам, глобален гејминг 48-часовен маратон кој ќе се одржи во разни градови ширум светот истовремено од 24 до 26-ти јануари, вклучувајќи ги и Скопје и Битола. Настанот во Македонија го организира Македонската асоцијација за развивање игри – MAGDA, која во моментот функционира како граѓанска асоцијација водена од ентузијазмот на основачите.
„Идејата позади настанот е да се овозможи организирано место каде луѓе заинтересирани за игри, програмирање или генерално креативна работа поврзана со видео игрите можат да се сретнат, запознаат и да разменат искуства. Во исто време, сакаме да го демистифицираме процесот на креирање игри за младите учесници“, вели Петар Котевски, основач на KamaiMedia и еден од организаторите на Global Game Jam Македонија.
[youtube]vLyN8mSpmdM[/youtube]
„Според нашите сознанија, првиот гејмџем беше навистина успешен во тоа што охрабри доста млади луѓе, но и доста компании кои можеби дотогаш не гледаа на производството на видео игри како модел за остварување добивка. Во моментов во Македонија работат неколку студија чија што примарна дејност е работа на видео игри, а ние ќе продолжиме со промоција на занаетот“.
MAGDA ги поканува сите гејминг ентузијасти, тие со талент и тие со желба да се пријават и да креираат видео игри. Ова опфаќа цртање, моделирање, креирање на музика и анимации и програмирање, за кои не мора да се има искуство. Ќе има награди за најдобрите, иако настанот не е сфатен како натпреварување, туку како промоција на гејминг индустријата. Поканети се и најмалите ентузијасти, тие од школска и предшколска возраст, кои заедно со своите родители можат да бидат тестери на игрите и да научат да прават игри уште од мали нозе.
Повеќе за Global Game Jam Македонија ќе најдете на официјалниот сајт, а ако имате прашања актерот и еден од организаторите Гораст Цветковски има отворено тема за дискусија и прашања на форумот на IT.com.mk.
"На првиот се направија околу 30-тина игри, и иако на некои од нив се работи сè уште, ниту една не е довршена"
Toa ne e bas tocno, bidejki nasata igra bese kompletno zavrsena uste na samiot nastan ;)