Вечерва се одржува Beer & Code, настан кој иако е пред се наменет за дружење, е место на кое може да е разменуваат искуства и знаење. Деветиот Beer and Code е посветен на онлајн заработката и на прашањето „Како да заработите онлајн?“, кое ќе го одговори Ивица Пениќ од Mariviam Success Academy. Средбата започнува во 20:00 во Road House, Скопје, па ако сте девелопер ви препорачуваме да отидете на пиво и кодирање, и да ја запознаете заедницата.
Beer & Code е организиран од Иван Мајсторовиќ, основач на Fridgecheck, кој доаѓа од Хрватска со желба да се запознае со македонските програмери. Идејата беше да запознаат талентирани луѓе и да споделат идеи, преку неформална дружба.
„Основната идеја беше, со пиво во рака, да разговараме за актуелните трендови, да споделиме идеи и да ја зајакнеме македонската заедница, бидејќи по Mobile Monday на кој предавав, немаше посериозни ИТ настани“, вели Иван. „Кој знае можеби еден ден ќе направиме и конференција“.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
