Минијатурни картонски батерии Mini Power се вистински „енергетски додаток во исхраната“ на паметните телефони. Иновација доаѓа од Тсунг Чих-Хсиен кој е добитник на Red Dot наградата за дизајн.
Станува збор за батерии за една употреба кои по празнењето се рециклираат, а можат да овозможат дополнително време на работа од 2, 4 или 6 часа во зависност од капацитетот на картонската батерија. Батериите доаѓаат на перфориран картон од кој по потреба може да ги извадите и да ги приклучите на телефонот.
Предноста на Mini Power пред конкурентите е што се едноставни за рециклирање, а продавниците каде се продаваат батериите ќе ги собираат и празните батерии. Во време кога загадувањето со електрични уреди од кој најголем дел се батерии, едноставното рециклирање е навистина огромна предност.
