Денеска – 12-ти октомври, со почеток од 16.30 часот во просториите на новиот Netaville, IT.mk организира настан под темата “IT.mk мапирање, пијачки и дискусија“.
Идејата зад настанот е да ги презентираме податоците од мапирањето, а воедно и да поттикнеме одредени дискусии, па и да слушнеме по некоја аргументирана критика. Подетално на настанот, кој го организираме во соработка со Data Masters кои ни помогнаа со анализата и обработката на податоците, ќе навлеземе во статистиките како и логичните и нелогичните движења и увидувања при мапирањето, а воедно ќе се направат и некои паралели со мапирањето од 2019-та година.
Настанот ќе биде од неформален карактер, просторот е ограничен на 60-тина луѓе а можеби ќе има и по некоја гратис пијачка. ;)
Се гледаме во 16.30 ч. во Netaville!
