Netcetera 
Една од пореномираните ИТ компании во државава, Netcetera, презеде одлична иницијатива која треба да допринесе кон развојот и сплотувањето на локалната ИТ сцена. На улица Никола Тесла бр. 9, (во зградата позади Joy, спроти техничките факултети), отвори ИТ хаб и ко-воркинг простор под името Netaville.
“Netaville е средина која го стимулира развојот на локалната тек-сцена, поддржува ИТ настани и споделување знаење. Од почетници до искусни професионалци, етаблирани организации, и организатори на настани. Секој е добредојден во овој простор кој е место за иновации, размена на визии, идеи и постигнувања.” – истакнуваат од Netcetera.
ИТ хабот Netaville е одлично среден и голем простор кој се надеваме дека ќе биде максимално искористен од страна на студентите, ИТ професионалците и останатите ИТ компании и организации.
Планот е просторот да работи од 08.00 часот наутро до 22.00 часот навечер, а покрај ко-воркинг просторот во хабот има и кафетерија.
Ултимативната цел зад хабот е да биде отворен (без потреба од резервации) простор за дружење и работа на ИТ студенти и професионалци. Вакво нешто на локалната сцена, во недостиг на професионални и атрактивни ко-воркинг простори и хабови досега го постигнаа Public Room и до некаде Кантина, но секако дека има простор за повеќе, а особено за хаб кој е менаџиран од ИТ компанија и нема примарна цел угостителство.
Доколку пак некој би сакал да го изнајми просторот и да организира настан, за тоа ќе бидат достапни алатки преку официјалниот вебсајт (кој се уште не е пуштен и покрај денешната јавна промоција и PR push на Netcetera, но најверојатно како и секој ИТ проект… доцни :)) ) а од компанијата најавуваат и мобилни апликации за таа намена.
Капацитетот на просторот е следен:
- Училницата собира 24 луѓе,
- Амфитеатарот 50 до 70,
- Кафетеријата и lounge просторот околу 50-тина,
- А ко-воркинг просторот за работа 20 места.
@Netcetera, ви посакуваме успешна работа со хабот и како .мк ИТ заедница да имаме многу корисни дружби во Netaville!
Btw, ако не знаеш зошто просторот се вика Netaville, кликни тука.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
8 коментари
Loading new replies...
Ќе раскажуваме на помладиве генерации на ФИНКИ "лесно ви е сега вас, во наше време само едно бифе имавме во подрум на ТМФ"
*океј и драмски за кафе.
Чичо да ви каже...
Во наше време ако сакаше информаткика се запишуваше ПМФ. Се студираше 6 до 10 години ееее побрзо лекар ќе станеше.
Web Factory 
