Доколку често се наоѓате во ситуации да држите презентации, односно да објаснувате работи за време на онлајн состаноци, како преку zoom, teams, и слично, тогаш сигурно сте се нашле во ситуација да сакате подобро да ја пренесете вашата мисла преку цртање или пишување одредено нешто.
Witeboard е веб сајт кој инстантно ви дозволува да цртате и пишувате на бела табла. Можете да користите моливи во најразлични бои, да влечете линии, да пишувате текст, како и да го избришете истиот или да се вратите еден чекор наназад. За подобра ефикасност, секоја од споменативе алатки имаат кратенки. Па така, за време на презентацијата, доколку го претиснете копчето P, ќе можете да користите молив, а преку копчето Т инстатно започнувате со пишување текст.
Доколку кликнете на копчето Share, линкот на таблата ќе биде копиран, и секој што ќе го кликне ќе добие пристап до она што сте го вие направиле, за да може инстатно да се надоврзе во презентацијата.
Таблата може да биде бела, но и црна. Дополнително, може да се детектира некој облик и да се промени во неговата совршена форма (пробајте да нацртате круг). Тоа што го цртате и пишувате на таблата, можете да го сочувате и како слика.
Се надеваме нареден пат кога треба да објаснувате нешто онлајн, Witeboard ќе може да ви помогне!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
