Често пати слушаме како не е поентата само да се купи милениче, туку и да се чува. Flockr е апликација која е замислена да ви помогне да водите подобра грижа за вашето милениче, да ги направите моментите со него позабавни, но и никако да не заборавите за неговите потреби.
Со Flockr, секојпат кога шетате со вашето милениче, добивате податоци за тоа каде сте се шетале и колку време сте поминале заедно. Таквите податоци се сервираат на интересен начин и се спремни за споделување на социјалните мрежи. Паралелно со ова, на располагање имате корисни алатки кои водат евиденција за болести или алергии на миленичето, дали треба некои лекови да зема или пак да биде вакцинирано, како би можеле благовремено да бидете известени.
Преку одделот Schedule можете да вметнувате настани кои ги планирате за миленичето, како тестирања, купување храна, водење на ветеринар, и слично. Преку одделот Weight ја бележите неговата тежина, а преку Spending водите евиденција за финансиите кои сте ги одделиле или треба да ги одделите за миленичето.
Во Flockr имате интерна социјална мрежа преку која можете да споделувате слики од миленичето за да ви бидат лајкнувани или коментирани од заедницата, како и вие да го правите истото за туѓите миленичиња. Фотографиите кои ги правите преку апликацијата, можат додатно да се уредуваат со интересни филтри, стикери и рамки.
Апликацијата е достапна за Android и iOS.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
