InPlayer 
Традицијата продолжува и оваа година, на 30 октомври во Public Room ќе се одржи седмото издание на InTech Meetup. Целта на настанот е да ја едуцира македонската ИТ заедница и да поттикне вмрежување и размена на знаење. Tемата на која ќе се говори оваа година е „Cloud Computing: Today and Tomorrow“.
Говорниците оваа година доаѓаат од два гиганти во индустријата. Алекс Касалбони доаѓа од AWS, а Асиф Кадим Малик од Alibaba Cloud. Предвидена е и Q&A сесијата со Здравко Спасев, DevOps Lead Engineer во InPlayer. Г. Касалбони е експерт за облак сервисот во AWS. Неговиот придонес во open-source проекти како што се Serverless Framework и AWS SAM е од исклучителчно значење. Ко-организатор е на ServerlessDays во Милано и како технички евангелист често зборува на конференции низ целиот свет, ги поддржува заедниците на софтверски инженери и им помага во градењето на апликации во облакот.
Г. Малик работи како Solutions Architect во Alibaba Cloud и стои зад некои од најголемите технолошки трансформации во финансискиот и јавниот сектор. Во неговото претходно работно искуство е дел од реномирани светски компании како што се IBM, Oracle и Alibaba Cloud. Тој е водач кој им помага на индустриите на глобално ниво да иновираат со имплементирање на нови технологии.
На настанот ќе се одржи и работилница со тема „Building with the AWS cloud development kit“. Работилницата е предводена од Гоце Стефков, AWS Engineer во InPlayer. Бројот на места за работилницата е ограничен, па ако сте заинтересирани треба побрзо да го потврдите вашето учество.
InTech Meetup го организизра InPlayer, а на оваа година е поддржан од Cognism и SMS Construction.
Регистрирањето за настанот е на следниот линк.
За повеќе информации, следете го InTech Meetup на: Facebook, Instagram, Twitter или преку #intech хаштагот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
