Сите гејминг ентузијасти и кретори на независни видеоигри се поканети на третиот Инди Пиво. Средбата, закажана повторно во мезе барот Убац во Скопје на 26-ти јуни од 18:00 часот, се поклопува со Glitch Jam настан кој сака да покаже дека грешките, или гличовите, се еден од клучните делови при креирање на игри. Некои грешки станаа култни, како негативното ниво во Super Mario, а други и дел од истражување за епидемии. Влијането на гличовите во игрите ќе се дискутира и на Инди Пиво #3. Првиот собир на креатори на независни игри беше инициран од Дајана Димовска од данското гејминг студио KnapNok Games, а сега е организиран од Кристијан Трајковски и Мартин Пупков од македонското студио Dark-1.
„Присутните ќе имаат прилика да ги покажат нивните игри доколку сакаат, ќе се дискутира за најразлични гличови кои се имаат појавено во игрите, и како можат да се искористат како средство за изразување во нашите игри. Гличови се грешки во игрите, кои не се критични и често се смешни или чудни и некогаш оставаат последици врз понатамошната игра“, вели Кристијан.
[youtube]K3g2840zXKY[/youtube]
