Стартапите од регионот, вклучувајќи ги и тие од Македонија, имаат време до 20-ти октомври да аплицираат за Balkan Venture Forum кој ќе се оддржи на 14-ти ноември во Тирана, Албанија. Настанот е продолжување од BvKF собирот во Софија, но Александар Тасев, основачот на инвестицискиот форум и ко-основач на SuperFounders Skopje, вели дека во Тирана ќе биде поразлично поради тоа што локалната стартап заедница е во порана развојна фаза.
„Знаеме дека ова е правото време да организираме ваков настан во Тирана, бидејќи ќе има максимален импакт. За да го направиме ова, се фокусираме на развојот на лидерите на локалната заедница кои ќе можат да го привлечат вниманието на интернационалната и локалната заедница, и да обезбедат постојани активности по BkVF.“, се вели во официјалниот пост.
На BkVF Tirana, покрај панелите и предавањата, ќе има и натпревар меѓу регионалните стартапи. Стартапите ќе добијат менторство од Ventury Academy во подготовките на презентациите пред натпреварот. Најдобрите осум компании ќе добијат шанса да се претстават на European Venture Summit во Диселдорф во декември. Европскиот самит е еден од поголемите собири на стартапи и инвеститори во регионот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
