Работиш, студираш? Што? Каде?
Јас сум Дипломиран инженер по електротехника на насоката Компјутерска техника, информатика и автоматика при Факултет за електротехника и информациски технологии во Скопје. Имам работено на голем број десктоп/веб/мобилни апликации и страни. Вработен сум во Synergy на позиција Java Software Developer, каде во одлична работна атмосфера стекнав огромно искуство и знаење за Java технологијата, тимска работа и работа на проекти.
Дали имавте искуство со Android оперативниот систем пред предизвикот?
Дипломската работа ми беше на тема “Архитектура на Android оперативниот систем и развој на апликации” во која ги прикажав карактеристиките на Android, комплетната архитектура, детално го опишaв процесот на развој и структурата на Android апликација, предностите и недостатоците на платформата, безбедноста и бизнис стратегијата. Ја споредив Android платформата со веќе постојните платформи за мобилни уреди и ја разгледав адаптацијата на оваа технологија од аспект на корисник, производител на хардвер и софтвер, како и давател на мобилни услуги. Изработив и апликација, со која ги прикажав можностите на Android за географско базирано пребарување на локација на лица и објекти.
Тоа беше во Јуни 2008 година, кога постоеше само SDK со емулатор, а не и телефони, на Android верзија 1.3m. Од тогаш постојано ги следам најновите информации поврзани со мобилната технологија и развојот на Android.
Трудот се цени. Благодарност @VipMK за 13 HTC Tatoo телефони.
Risto Mucev
rmucev
Дали наградата одговара на вложениот труд и потрошеното време за развој на 13-те апликации?
Да, но поважна награда за мене е фактот што апликациите до сега имаат преку 2000 симнувања од Android Market, што е доказ дека се успешни.
Дали уште од самиот почеток имаше план да развиеш толку апликации или едноставно се забавуваше со развивањето?
Најпрво имав идеја за 2 апликации. Но, по еднонеделен brainstorming, имав преку 120 запишани идеи. Овие идеи ги филтрирав по време на изработка, потребни ресурси, опфатеност на бараните критериуми на предизвикот, итн. Пријавив 17 апликации, но имав време за изработка на 13 од нив бидејќи истовремено работев и на други проекти. Целта ми беше прво место, но откога ги прифатија сите на Android Мarket, сватив дека сум сигурен добитник.
Која од 13-те апликации ти е омилена?
Тешко е да се каже бидејќи при изработката од секоја апликација учев нешто ново и во секоја апликација има вложено труд. Апликациите се разновидни. Јас најмногу ги користам aFindTwitterOpinion, aGPSWeather, aMyPlaces и aPogovorka.
Како ти се допадна Vip Android Предизвикот?
Овој предизвик е прв од овој карактер во Македонија и мислам дека ја постигна целта. Успешно го промовира Android во Македонија и ги стимулира девелоперите да развиваат македонски апликации. Тие креираа одлични апликации и се запознаа меѓусебно. Се надевам дека ќе продолжат со развој на апликации и после овој предизвик и ќе ги тестираат на освоените телефони. Благодарност и браво за Вип оператор.
Дел од телефоните ќе биде дониран на ФЕИТ за студентите. #androidmk #vipandroidmk #vipandroidpredizvik #androidpredizvik ping @VipMKRisto Mucev
rmucev
Дали се согласуваш со изборот на победниците? Која е твојата омилена апликација од останатите?
Победничката апликација целосно ги има опфатено и задоволено сите критериуми и услови за избор на победникот и затоа има добиено најмногу поени од жирито. Сите апликации се добри, македонски и имаат интересна идеа. Јас лично повеќе ги сакам stand alone (offline) мобилнитe апликации или игри бидејќи тогаш доаѓаат во израз можностите и перформансите на телефонот и кодот на апликацијата и истите можат да се користат и кога телефонот нема пристап до интернет. Секако, има и одлични апликации кои користат интересни оnline сервиси.
Дали ќе учествуваш и на One Android предизвикот и дали имаш совет за останатите учесниците на тој предизвик?
Да, имам и понуди за соработка во изработка на апликации со други учесници во овој предизвик. Во план ми е изработка на најмногу 3-4 квалитетни апликации/игри. Мој совет до учесниците е убаво да ги прочитаат правилата и условите на овој предизвик и да ги следат. Да направат македонска апликација и да не размислуваат за тоа дали ќе добијат награда, бидејќи после изработката и првото симнување на апликацијата сите тие се победници.
Каква е реакцијата од социјалните мрежи?
Претежно позитивно и изненадено реагираат лугето. Најмногу добивам честитки и прашања за тоа дали навистина ќе добијам 13 телефони. Има коментари и дека некои од апликациите се едноставни. Јас би порачал наместо да коментираат, да направат подобра апликација. :)
Што ќе правиш со 13-те HTC Tattoo телефони? Ќе ги продадеш, ќе ги подариш?
Еден телефон задржав за себе :) Дел од телефоните веќе ги подарив на најблиските, дел планирам донирам на ФЕИТ за студентите, бидејќи таму првпат се запознав со Android. Мал дел од телефоните планирам да ги компензирам, а добиените средства ќе одат за промоција на веб страната mkdroid.mk, која треба да стартува во Октомври, на која ќе има вести и информации поврзани со мобилната технологија, како и туторијали и изворни кодови за изработка на апликации за iPhone и Android.
Набрзо ќе биде објавен изворниот код за СИТЕ апликации во вид на туторијали за Android. Се спрема web страната.Risto Mucev
rmucev
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] како онаа за Интернет партија на Македонија и хакерот на Android предизвикот. Уште пред да биде кул ја следевме и стартап сцената. А […]
тај прекривачо и тии 3те маси некак ного познати ми стоот :D
Sekoja cest,bravo!
bravo risteb bravo genija lci bravo biswr balkanskim nemam zborovi kako da ja opisam mojata sreka i radost za tvojot uspeh durim sem rasplakav od radost, deka eden clen od familijata postigna takov golem svetski uspeh, pred majkat mi kaza i eve odma ti szepridruzuvam kon cestitkite
Ристе , остај и за другите нешто …..ааааааааа, :) ….. ај честито , оште ного да те има?
Еве по 10-ти пат ти честитам, но сепак браво…
Браво Браво
Riki, majstore :)
Не си го спомнал BICTO, каде што ги направи своите бебешки програмерски чекори :) Си требал, да се посмееме малце :)
Браво Ристе! Се гордееме со тебе!