Одредени инвазии воошто не се лоши, особено кога се случуваат во индустријата со игрите. Па така, издавачите ININ ослободија врз Xbox популацијата, не една, не три, туку шест добро-познати класични игри од едно далечно време. Доколку имате Xbox, подгответе се на носталгична инвазија од следниве наслови: Pocky & Rocky: Reshrined, Panorama Cotton, Cotton 100%, Clockwork Aquario, ULTRACORE и Irem Collection 1.
За Irem Collection 1 пишувавме неодамна и доколку ве интересира што поточно се крие во оваа колекција, дефинитивно кликнете тука!
Но, што е со останатите игри? Одиме по ред!
Pocky & Rocky: Reshrined
Со подобрена графика и истата носталгична музичка подлога, Поки и Роки уште еднаш ќе ви покажат зошто е впечатлив легендарниот серијал на NatsumeAtari и Tengo Project. За да се соочите со бројните планински чудовишта, можете да играте и со еден од тројцата нови ликови!
Clockwork Aquario
Насловено како изгубеното аркадно богатство од деведеситете, за Clockwork Aquario често се и шегуваат дека е една од најдолго развиваната игра – 30 години во развивање и соработка помеѓу ININ, SLG, и Westone! Сами или со пријател, одберете го вашиот омилен лик и соочете се со бројните непријатели и босови скокајќи и трчајќи низ живописниот свет!
ULTRACORE
Првенствено развивана од DICE за системите Genesis and Amiga, Ultracore подоцна беше фрлена во заборав од Psygnosis во 1994 година. За среќа, играта повторно е достапна благодарение на Strictly Limited Games и ININ. Се работи за интересна пукачка игра, со забавни примеси на платформер.
Cotton 100%
А кога сме кај пукачки и неодоливо слатки игри, нема да најдете подобар избор од Cotton 100%. Играјте со Силк и поминете низ 5 магични стази летајќи на метла и уништувајќи ги бројните суштества со вашите импресивни вештерски моќи!
Panorama Cotton
И како последна игра од инвазијата на ININ, имаме уште една пукачка игра, но од малку поразлична перспектива. Интересен факт: се работи за долго-очекуваниот продолжеток на Cotton 100% (пст, играта за која пишувавме погоре!). Така да, доколку сте фанови на Cotton Cute ‘em up серијалот и сакате уште летање и сеење хаос, па, ова е уште една игра за вас, која ве чека да ја проверите уште од далечната 1994 година!
____________________________________________
Скоро целата колекција се појавува ексклузивно за XBOX и, со малку среќа, работиме на екстра клучеви кои би можеле да ги подариме на нашите читатели, останете со нас! :)
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
