Според статистиката која ја објави SocialBakers, Facebook во Азија има повеќе од 250 милиони корисници, додека бројот на Facebook корисници во Европа е 241 милион, а во Северна Америка е 236 милиони.
Ова е охрабрувачки за компаниите и програмерите кои сакаат да влезат во тој нов огромен пазар кој е подготвен да ги прифати новите технологии. Интересно е што иако Азија ја надмина Европа по вкупниот број, процентуално само 6 отсто од Азијците го користат Facebook. Во Европа тој процент изнесува 29 отсто, а во САД и Канада е неверојатни 44 отсто.
Ниската пенетрација на Facebook во Азија е резултат на нееднаквата развиеност и пристап до новите технологии на различни делови од земјите во тој континент. Најчесто се фаворизираат локалните сервиси, посебно во Кина каде покрај Facebook се блокирани и други веб сервиси, иако многу корисници користат Facebook преку прокси сервери.
