Apple вработува поранешни Google Maps експерти за да си ги поправи мапите

во Софтвер

По фиаското со своите нови Maps за iOS 6, Аpple започна агресивно да бара и вработува поранешни експерти кои работеле на Google Maps, пишува TechCrunch повикувајќи се на свои извори. Според ИТ блогот, многу луѓе кои работат на Google Maps сакаат да ја прифатат понудата на Apple бидејќи сакаат да изградат нов продукт, наместо да работат постојано на досадни надоградби на скоро завршена платформа.

Мапите на Apple беа претставени со iOS 6 и новиот iPhone 5. Наместо да оди со Google Maps како до сега, Apple реши да ја прекине соработката и да стартува свој продукт на кој работеле веќе неколку години. Но, резултатите од тој продукт се ужасни. Градовите се изместени, фалат информации, 3Д мапите се искривени и има куп други промашувања, што го прави тој нивен продукт бескорисен.

Идејата на Apple беше (и се уште е) со крауд-сорсинг да ги подобри мапите, односно колку повеќе луѓе ги користат толку тие ќе бидат подобри. Но, бидејќи мапите се многу лоши, Apple се реши да регрутира експерти кои ќе помогнат да се направи солиден продукт.

Според изворот на ТechCrunch кој работел во интегрирање на StreetView во Google Maps, Аpple има талент и ресурси за да креира за брзо време платформа која ќе и конкурира на таа на Google.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments