Денес започна Mobile World Congress 2019 кое традиционално се одржува во Барселона. Веќе ве известивме дека Microsoft го претстави новиот модел на HoloLens – HoloLens 2. На ред е нешто што периодов е актуелно кај производителите на мобилни телефони – паметен телефон на преклоп.
Huawei лансираше повеќе производи, меѓу кои 5G смартфонот на преклоп, Huawei Mate X, Huawei 5G CPE Pro, првиот производ со Balong 5000 чипсет, како и Huawei MateBook X Pro, лаптопите MateBook 13 и MateBook 14.
Huawei Mate X е името кое го носи 5G паметниот телефон на преклоп.
Паметниот телефон и таблет, Mate X се одликува со флексибилен OLED панел и Falcon Wing Mechanical Hinge. Mate X го има флексибилниот OLED FullView дисплеј на преклопување и го користи внатрешниот Kirin 980 процесор на компанијата и 5G чипсетот Balong 5000. Balong 5000 официјално ја отвора 5G ерата. Huawei вели дека Mate X ќе презема содржини четири пати побрзо од тековната 4G конекција, односно околу 1GB за 3 секунди.
Последниве години Huawei претставува телефони со навистина импресивни камери, па таков е случајот и со Mate X. Овој пат дизајнот на преклоп овозможува системот на камерата да ја игра улогата и на предна и на задна камера.
Батеријата со капацитет од 4,500mAh е поделена на две батерии, една од двете страни на екранот на преклопување.
Some more pictures of the Huawei #matex. Pretty sweet design, although the fold is a bit stiff. CEO Richard Yu says it’s tested for 100,000 folds. @CNET #mwc2019 pic.twitter.com/8HfUgi9L2K
— Roger Cheng (@RogerWCheng) February 24, 2019
Ако мислевте дека паметните телефони имаа високи цени до сега, тогаш треба да знаете дека цената на новиот Huawei Mate X ќе биде 2 299 евра.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
