HTC планира да претстави три нови Windows Phone 8 телефони

Само ден по најавувањето на новиот Windows Phone 8, The Verge откри дека HTC веќе има подготвено телефони кои се хардверски способни за оваа платформа.

Најефтиниот од трите уреди е со име Rio. Овој уред има 4 инчен WVGA екран, 14,4 Mbps HSPA и 5 мегапиксели камера со 720p видео. Има само 512 MB и Qualcomm МСМ8227 процесор кој е дел од Snapdragon S4 Plus фамилијата. Следи Accord со 4,3 инчен 720 Super LCD 2 екран и 8 мегапиксели камера со поддршка за 1080p видео, поддршка за NFC и 1 GB RAM со процесор со две јадра.

Најдобриот (и најверојатно најскапниот) од трите е Zenith со 4,7 инчен 720p Super LCD 2 екран со 8 мегапиксели камара, 42 Mbps HSPA+, Qualcomm Snapdragon процесор со четири јадра.

Уредите ќе се појават до крајот на годината, најверојатно во октомври. Но, според Verge, можно е да се случи поместување на датумот кога уредите ќе бидат претставени.