Не е тајна дека сме фанови на визуелни романи. Hazy Mind е роман кој посебно ни се допаѓа бидејќи целосно застранува од општо прифатениот урнек каде приказната обработува тинејџерски драми. Напротив, развојното студио betetiro се фокусира на озбилни психолошки трауми и растројства.
Преку мајсторско-имплементирани наративни техники, Hazy Mind полека, но сигурно ви се провлекува под кожа, ви дозволува навистина да се грижите за ликовите пред екранот, а потоа насилнички ве зграпчува за раката и ве влече низ драматично патување полно со непредвидливи ситуации.
Бунар без дно
Најсилната точка во Hazy Mind не е само приказната, туку и уникатниот визуелен стил.
Набргу ќе се најдете себеси како да сте вовлечени во константен танц помеѓу белите експресивни цртежи на навидум бесконечната црна подлога и неонски бои кои ги истакнуваат контурите на ликовите. Ваквата уметничка одлука, заедно со сиптилните повремени анимации, константно алудираат на беспомошната ситуација во која се наоѓаат ликовите.
Тука е, секако, и тивката, но секогаш угнетувачка музичка подлога, милозвучниот глас на мистериозната девојка и бројните прашања кои неуморно ќе ве прогонуваат. Hazy Mind крие проблематична приказна и неколку интересни краеви. Имајте во предвид дека одредени теми, одредени дијалози и описи никако не се ниту за помладата публика ниту за гејмери кои се во незавидна емоционална состојба.
Hazy Mind може да се провери на Steam, по цена од 600 денари.
Повеќе детали за играта
- Произведува: betetiro
- Издава: betetiro
- Жанр: Визуелен роман
- Платформа: Microsoft Windows
- Излезе на: 4 март 2024
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
