Google со лажно демо го претстави новиот AI модел Gemini

Претходната недела, Google го претстави својот нов AI модел Gemini 1.0 со лажно демо видео. Односно, демото вклучуваше симулирани видео интеракции каде Gemini наводно одговараше на видео барања, но, во реалноста, наместо тоа, добиваше фотографии и описи на текст. Корисничките барања и излези беа оригинални, но претходно избрани и уредени за демо, потенцијално прикривајќи ги сите ограничувања или грешки.

Што се однесува до измените на излезот, вистинското време што му беше потребно на Gemini да генерира одговори беше значително подолго од прикажаното во демонстрацијата, создавајќи измамен впечаток за побрза обработка. Понатаму, според информациите споделени од TechCrunch, деталните одговори произведени од Gemini беа значително скратени за презентацијата.

Овие модификации резултираа со погрешно претставување на вистинските способности на Gemini, давајќи илузија на видео интеракција во реално време и побрза обработка отколку што навистина поседува. Иако намерата можеби беше да се направи попривлечна и попрецизна презентација, таа на крајот предизвика загриженост за транспарентноста и ја намали довербата во точноста на демонстрациите.

  • Дел на цртање: Иако беше претставена како интеракција во реално време со цртеж, Gemini всушност работеше со претходно избрани слики и описи.
  • Дел одговор на прашање: Демото покажа дека Gemini одговара на сложени прашања со импресивна точност, но вистинското време на одговор и потенцијалните грешки беше скратено со уредување.

Gemini 1.0 доаѓа со три верзии

Сите верзии од овој модел сѐ уште не се достапни за јавноста. Трите верзии кои што доаѓаат во Gemini 1.0 се:

  • Gemini Pro
  • Gemini Ultra
  • Gemini Nano

Верзијата Gemini Pro моментално е интегрирана во Bard, додека пак, верзијата Gemini Ultra е најавена за почетокот на следната година.

На 13-ти декември оваа година, преку Google AI Studio и Google Cloud Vertex AI ќе биде достапно API-то на верзијата Gemini Pro за девелоперите кои што ќе сакаат да го интегриаат овој модел во своите апликации.

Gemini Ultra

Оваа верзија е најмоќната верзија на моделот Gemini 1.0 и е дизајнирана за решавање на најкомплексните задачи, како што се математички проблеми, кодирање и слично.

Gemini Pro

Оваа верзија опфаќа најширок обсег на задачи, моментално е интегрирана во чет-ботот Bard

Gemini Nano

Оваа верзија претставува најефикасна верзија за телефоните, ќе биде достапна на Android телефоните, а достапна е и на Pixel 8 Pro.

Зошто Gemini 1.0 е различен од другите? 

За разлика од унимодалните AI модели, кои што имаат способност да обработуваат влезни инструксции само од еден тип (на пример текст) и да генерираат резултат на излез исто од еден тип, овој нов мултимодален модел на Google има способност да обработува влезни инструкции од повеќе типови како што се текст, слики, видеа, код, аудио и видео, и да генерира резултат на излез врз основа на внесените влезни инструкции од различен тип. Ова го прави овој мултимодален модел попрактичен за решавање на проблеми од реалниот свет, каде што податоците на влез често се од различен тип. 

Примери:

  • Слика од домашна работа по математика, моделот ја разбира задачата и дава одговор дали задачата е точна или не
  • Слика од граф, моделот ја анализира, потоа прикачување на стотици страни од одредено истражување, моделот го анализира истражувањето и врз основа на тоа го ажурира графот.

Која е разликата помеѓу LLM и MMLU?

И покрај тоа што LLM (Large Language Model) и MMLU (Massive Multitask Language Understanding) означуваат значителен напредок во полето на вештачлата интелигенција, тие имаат различни пристапи во разбирањето, обратката и решавањето на задачите.

Фокусот на LLM е насочен кон разбирање и генерирање на јазикот за општа намена. Овие модели се наменети за големи количини текстуални податоци, со можност да генерираат текст, преведуваат и одговараат на прашања. Главната цел им е да развијат модели, способни за комуникација и генерирање на текст со човечки квалитет, со потенцијал да помогнат во активности како пишување, истражување и едукација.

Од друга страна MMLU се карактеризира со разбирање на одредена задача преку повеќе различни влезови од различен тип. Целта на овие модели е да ги посочи силните и слабите страни на LLM, придвижувајќи ги кон посеопфатно и генерализирано разбирање на јазикот.

MMLU моделот, Gemini 1.0 e веројатно главниот конкурент на LLM моделот GPT-4, а според споредбата помеѓу овие два модела достапна на веб-страницата на DeepMind Google, Gemini 1.0 е и те како подобар од моделот на OpenAI, GPT-4.


За повеќе информации околу Gemini 1.0, следете ги следниве веб-страници:

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments

ит кариера

МАКЕДОНИЈА осигурување АД Скопје Виена Иншуренс Груп

Оглас за вработување на ORACLE DBA

види ги сите огласи на kariera.it.mk