Google продолжува да ги пакува во едно сите свои сервиси. Започна со основното, една полиса за приватност за сите сервиси, па ја собра забавната содржина со Google Play објавен денеска, и ќе продолжи со Google Games.
Според продукт менаџерот на Google+, Пунит Сони, Google сака да ги соедини друштвените Google+ Games, десктоп Chrome Web Store игри и мобилните Android игрите во една платформа која ќе користи HTML5 и Google Native Client за да овозможи играње игри преку разни уреди. Таа нова гејминг платформа ќе има Hangouts за видео комуникација, алатка која ја има во Google+, ќе има подобра графика како Chrome, мобилни игри, и подобра дистрибуција и откривање на апликации.
„Беше многу јасно дека игрите се едни од првите нешта кои ќе ги ставиме во Google+. Игрите ги зближуваат луѓето. Тие се важен дел за како корисниците комуницираат онлајн. Програмерите на игри ги поместуваат границите, и игрите се забавни.“, вели г. Сони на Game Developers Conference во Сан Франциско.
Целта е таа идна платформа, на која се работи во моментов, вели тој, е да биде едно место за сите игри кои корисниците ги играат.
