По долго-годишна работа, развојното студио Crytivo конечно може да се пофали со целосната верзија на нивната амбициозна симулација, The Universim. На кратко, играта ви дозволува да управувате со цели планети и да ги водите цивилизациите низ вековите.
Еволуција низ времето
Доколку уживате во God Game игри, каде сте во улога на Господ и располагате со импресивни моќи за обликување и на планетата и на населението, тогаш The Universim е игра која ќе ви се допадне.
Ваша задача е да помагате на симпатичните суштества кои се викаат нагетс да си го најдат нивниот пат. Од каменото доба па сѐ до времето на технолошка нирвана, ќе ги водите и обликувате онака како што мислите дека е најдобро. Таквото нешто никако не е без предизвици. Нагетс се деструктивно настроени и имаат мрачни аспирации, како војни предиспозиции и градење нуклеарни централи. За „среќа“ вие имате моќи со кои полесно ќе можете да ги водите жителите на планетата, а и да ги штитите.
Од друга страна, пак, доколку се јави потреба за соодветна дисциплина и покажување на вашето незадоволство, можете да ослободувате несопирливи торнада, да повикувате громови, или да го разрушувате изграденото со разорни земјотреси.
Најсилните точки во The Universim се:
- преубавата шаренолика графика
- модерниот дизајн и модерната имплементација на клучните механики
- флуидноста на движењето низ планетата
- еволутивниот напредок на населението низ добата
- активирањето на моќите
Лесно е да се биде Господ?
Комбинацијата од овие елементи се чини како добитна и исклучително забавна формула. Повеќе од јасно е дека Crytivo се ветерани во индустријата и точно знаат што работат во сандбокс одделот. Од таа причина, играта моментно има 81% позитивни рецензии на Steam. Сепак, некои гејмери сметаат дека The Universim требало уште да биде дел од раниот пристап и дополнително да се работи на неа. Кое е вашето мислење?
Повеќе детали за играта
- Произведува: Crytivo
- Издава: Crytivo
- Жанр: city builder, god game, симулација
- Платформа: Microsoft Windows
- Ќе излезе на: 22 јануари 2024
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] God симулацијата The Universim излезе од раниот пристап […]