Требаше да го сфатиме iPhone многу посериозно кога се појави во 2007 година, вели извршниот директор на Sony Ericsson, Берт Нордберг во интервју за Wall Street Journal.
Сепак, иако iPhone е сериозна конкуренција, г. Нордберг е задоволен со својот избор. Тој кога дојде на кормилото на шведско-јапонската компанија го отфрли мобилниот оперативен систем на Nokia, Symbian, во замена за Google-овиот Android. „Тоа што го одбравме Android е најдобриот избор кој го направивме, земајќи го во обзир растот на Android платформата.“
Дури 70 отсто од бизнисот на Sony Ericsson е продажбата на паметни телефони, а до ова време следната година компанијата целосно ќе се посвети само на паметните телефони, вели тој.
„Во суштина, ние сега сме во бизнисот на правење мали компјутери кои имаат можности за телефонирање.“
Што се однесува до нови мобилни платформи, г. Нордберг вели дека е „љубопитен за Windows Phone 7″, но не би инвестирал во платформа која „не е доволно добра како оваа што ја користиме сега“.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
