Го поправија соларниот полнач, сега пак може да си ги полните мобилните на плоштадот Македонија

Нејасно е зошто некој би бил против соларниот полнач кој овозможува бесплатно полнење на сите видеови на мобилни, се запраша директорот на Vip, Никола Љушев.

Vip и Агенцијата за енергетска ефикасност го поправија соларниот полнач за мобилни кој се наоѓа на плоштадот Македонија, чии кабли беа украдени само пет дена од поставувањето.

Соларниот полнач ја конвертира сончевата енергија со електрична преку фотонапонски панели, и преку скоро сите можни кабли, приклучоци и пинови ги полни разните модели на телефони. Тој ја собира светлината преку монокристални фотонапонски модели има соларен контролер кој ја полни батеријата која ќе служи за вечерните часови кога нема сонце.