Веќе пишувавме дека Високиот суд на Велика Британија ја донесе одлуката во корист на Samsung бидејќи нивните уреди не се доволно „кул“, а денес истиот тој суд повторно застана на страната на Samsung.
Како што пренесува AllThingsD, одлуката на судот е Apple да излезе јавно и на своите страници и британски медиуми да објави дека Samsung не го копирал изгледот на уредите на Apple. Можеби на Apple им успеа во САД, но во Велика Британија судијата Колин Бирс има сосема друго мислење.
Apple има можност повторно да се жали, но според тоа што можеме да го видиме тешко дека тоа ќе донесе некакви промени.
„Доколку Apple и понатаму продолжи да претерува со барања кои се темелат на такви генерички дизајни, иновациите во индустријата би можеле да бидат повредени и изборот на потрошувачите неоправдано ограничен“, истакнаа од Samsung, додека сè уште нема изјава од Apple.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Myth Busted!!!