Минатиот викенд во Македонија се одржа 11-тото издание на хакатонот за креирање на видеоигри Global Game Jam Македонија. „Традиционално“ Global Game Jam е во организација на Македонската асоцијација за развивање на игри – МАГДА, кои се одлични домаќини секоја година.
Настанот се одржа на локации во Скопје и Битола, а беа направени 20 видеоигри. Домаќин на креаторите во Скопје беше Факултетот за информатички науки и компјутерско инженерство (ФИНКИ), а во Битола компанијата за развивање на видеоигри Kamai Media. Темата на Global Game Jam оваа година беше беше „Roots“ односно „Корени“.
Што е Global Game Jam
Global Game Jam е 48-часовен хакатон во кој учесниците креираат видеоигри на зададена тема. Првото издание на GGJ се одржа во 2009 година, на 53 локации со над 1650 учесници.Целта на настанот е да им овозможи на сите кои сакаат да развиваат видеоигри место на кое може да научат, експериментираат и да креираат видеоигри. Секако учеството на настанот овозможува запознавање со други луѓе заинтересирани за развој на видеоигри, а со тоа се креира заедница.
Хакатонот има и награди, иако ова не е најважно. Најдобрите игри вообичаено ги одбира жири комисија. Оваа година жирито беше составено од експерти од Indium Play, CrazyLabs, Haselt, A1, SEDC и GG.mk.
Наградата за најдобра игра ја добија Multiply Games и нивната игра „Back To Your Roots“. Наградата „Д Девелопер” ја добри видеоиграта „Spread” на тимот CBT.
Игра со најдобар цртеж и освојувач на наградата „Д Артист“ е „Land of Dust” креирана од Error 404.
Најмлад учесник оваа година беше 12-годишниот Лука Плавевски дел од Cyberpunk Pilots of the Empire, тимот кој работеше на играта „Sudo Hack n Slash“. Лука ја доби наградата „Надежен девелопер“.
Дел од игрите креирани во Скопје се достапни за преземање на страницата на GGJ.
Global Game Jam во Битола оваа година имаше поинаков концепт. Учесниците можеа да изберат да работат според 3 претходно дефинирани патеки. Секој од тимовите имаше искустни гејм девелопери кои се дел од Kamai Media. Игрите креирани во Битола се достапни за преземање на официјалната страница на Global Game Jam.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Seavus 
InPlayer 
