React е бесплатна open-source front-end JavaScript библиотека, која се користи за креирање на кориснички интерфејси. Го одржува Meta (екс Facebook) и заедница од индивидулани девелопери и компании. Се користи за креирање на single-page апликации, веб и мобилни апликации. Оваа популарна библиотека овозможува креирање на UI компоненти и управување со состојбата на веб апликациите.
За да стартувате со развојна околина и да ја направите својата прва апликација во React, најпрвин потребно е да се инсталира NodeJS, најдобро е да го симнете од официјалната страна, достапна на линкот: Download | Node.js (nodejs.org)

Откако ќе го симнете инсталацискиот фајл, инсталирајте го (инсталацијата е прилично едноставна). За да проверите дали успешно сте го инсталирале NodeJS, отворете Command Prompt и напишете ја командата:
node -v

Со оваа команда ја проверувате верзијата на Node и доколу ви ја испечати верзијата – успешно сте го инсталирале NodeJS.
Понатаму, навигирајте во кој фолдер сакате да го креирате проектот:

- Со командата mkdir (make new directory) – се креира нова папка
- Со командата cd (change directory) – се менува папка
Извршете ја командата:
npm install -g create-react-app
Со оваа команда се инсталира creact-react-app пакетот глобално на компјутерот

По извршување на наредбата, треба да имате сличен резултат како на долната слика:

Извршете ја командата:
npx create-react-app helloreact

По извршување на наредбата, треба да имате резултат како на долната слика:

Со командата:
npx create-react-app helloreact
– се креира нова React апликација, со име helloreact
За да продолжите, извршете ги следниве 2 команди:
cd helloreact
npm start

Со командата:
npm start
– го стартувате локалниот сервер.
По извршувањето на двете наредби, треба да имате резултат како на долната слика:

Ииии честитки, ја креиравте својата прва React апликација!

Што понатаму?
Следете го IT.mk и наскоро ќе ги објавиме преостанатите туторијали за React.
Многу добро објаснето, добив ист краен резултат👍👍👍