Доколку често сонувате за борби со мечови, борби со змејови и други епски авантури, тогаш вашите соништа се под влијание на видео игрите кои ги играте, вели психологот Џејн Гакенбах од Grant MacEwan University.
„Главната паралела помеѓу гејмингот и соништата е што и во двата случаи сте во алтернативна реалност, без разлика дали е биолошки или технолошки конструирана. Интересно е да размислите како искуствата од овие алтернативни реалности се пренесуваат во реалноста“, вели г. Гакенбах за Verge. „Гејмерите веќе знаат како да бидат контрола во алтернативна реалност, затоа нетреба никога да изненади ако гејмерот забележи дека сонува и да започне да манипулира со сонот“.
Ова овозможува гејмерите да не се будат во случај на кошмари, кои би ги разбудиле останатите луѓе. Наместо ова, гејмерите успеваат да ја предземат конторолата врз кошмарите, па дури и да уживаат во овие сонови. Со оглед на тоа дека во теорија кошмарите се еволуционен механизам кој овозможува тренинг за опасни ситуации во безбедна околина, гејмингот им овозможува на луѓето да се чувствуваат безбедни во оваа околина.
Освен ова гејмерите имаа побизарни соништа од останатите, неретко вклучувајќи невозможни сценарија, имагинарни карактери или патување низ вселената. Ова може да овозможи зголемување на имагинацијата и креатовноста, забележува Џејн Гакенбах.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
