Стравот од преземање поголем ризик ги спречува европските компании да прераснат во следните Google или Facebook. За да се надмине претпазливоста на европските претприемачи, Франција и Германија инсистираат на поголем финансиски фонд за технолошките стартапи.
Неопходни се заеднички напори за да го зголемиме инвестицискиот капитал и регулација за да дозволиме успешно префрлање на технологијата на пазарот, како и темел и развој на дисруптивните технолошки компании во Европа, пренесува Reuters.
Двете држави притискаат овие промени да бидат направени и донесени пред јуни.
Франција веќе инвестира 1,5 милијарди евра во стартапи кои работат на вештачка интелигенција. Целта е да се спречи одливот на кадар, но и цели компании надвор од Европа. САД и Кина се лидери на ова поле, а засега Европа е далеку.
Повеќе средства ќе помогнат за новите стартапи, а ќе помогнат и да се охрабрат претриемачите да преземат поголем ризик. Секако ќе бидат потребни и повеќе ментори кои ќе може да го споделат своето искуство и знаење.
