ФБИ на три континенти уапси 74 лица обвинети за имејл измами

Avatar img-thumbnail img-circle

во Вести

Федералното истражно биро објави дека уапсиле 74 луѓе кои се обвинети за кражба на банковни сметки, преку имејл измами. Најголем дел од уапсените се во САД, 42-ца. Потоа следат Нигерија со 29, а останатите доаѓаат од Канада, Маурициус и Полска.

Најпрво преку социјален инженеринг криминалците собираат доволно податоци за да можат да ги убедат вработените во компаниите да им префрлаат пари. Цел на измамата се вработени во компании во финансиски сектор или директорите на кои ова им е дел од работата.

Измамата е малку пософистицирана, и за да можат успешно да ја завршат криминалците треба да дојдат до доволно податоци од директорите. Штом дојдат до имејл сметките, или самите ќе направат трансфер на пари или ќе побараат трансфер од некој од вработените во финансискиот оддел. Вработениот гледа дека барањето доаѓа од легитимен канал и воопшто не се ни сомнева.

„Измамниците можат да им ја соберат на луѓето животната заштеда за само неколку минути. Ова се злобни и морално одвратни злосторства. Одделот за правда презеде агресивна акција против измамниците во последниве месеци. Уште во февруари ја започнавме најголемата акција против измами на американските пензионери.

Само во оваа операција уапсивме 42 лица во САД, а 29 други се уапсени во Нигерија поради финансиска измама.

Сакам да им се заблагодарам на ФБИ, на десетина американски адвокатски канцеларии, на Тајната служба, поштенски инспекциски служби, Агенцијата за домашна безбедност, Министерството за финансии, на нашите партнери во Нигерија, Полска, Канада, Маурициус, Индонезија и Малезија и нашите државни и локални партнери.  Ќе продолжиме со борбата против измамниците за американскиот народ да може да има мир и сигурност“, вели јавниот правобранител.

Бирото успеа да врати околу 14 милиони долари и да замрзне сметки на кои има 2,4 милиони долари.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments

ит кариера

Matrix IT Global Services Macedonia

Product Operations

Matrix IT Global Services Macedonia

Senior Software Automation Engineer

види ги сите огласи на kariera.it.mk