Со над 600-те патенти купени од Microsoft за 550 милиони долари, Facebook сака да се одбрани од компаниите кои ќе ја оспорат нивната технологија. Само пред еден месец Yahoo поднесе тужба против Facebook за прекршување на десетина патенти.
Без врска дали ќе ја добие или не тужбата, на Facebook му е неопходно да се држи на страна од ваков лош публицитет пред најавеното излегување на берза за да ја задржи вредноста на акциите.
„Ова е значителен чекор напред во процесот да изградиме портфолио на интелектуална сопственост со кое ќе ги заштитиме интересите на Facebook во долгорочен период.“, вели адвокатот на мрежата, Тед Улјот.
Патентите кои ги откупи Facebook се дел од пакетот патенти кои Microsoft пред еден месеци ги купи од AOL за една милијарда долари.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
