Facebook досега се обиде на неколку начини да го измеша рекламирањето и друштвената мрежа, а сега од компанијата се залагаат за генерирање на поголема онлајн продажба. Facebook од петок ќе ја објави алатката за следење и мерење на ефективноста на рекламите.
Со Conversion Measurement Tool, Facebook ќе им овозможи на онлајн продавачите да ги следат купувањата на сите корисници кои го имаат видено нивниот оглас. А од друга страна, повторно се поставува прашањето за приватност, но како и обично, од Facebook велат дека нема потреба од грижа, бидејќи огласувачите нема да ги добијат вашите идентитети, туку само бројката на луѓе кои купиле нешто.
„Мерењето на ефективноста на огласите е многу важна за сите видови на работа и за сите маркетинг луѓе“, изјави Дејвид Басер, продукт менаџер за Facebook огласување, за Reuters.
Исто така, огласувачите ќе може да ги ограничат рекламите на публиката која има слични интереси со тие корисници што веќе одговориле на некоја од претставените понуди.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
