Сите Facebook корисници во САД oд денес ќе можат да ја користат новата алатка за пребарување која беше претставена на почетокот од оваа година. Со помош на Graph Search, корисниците ќе може да прават понапредни и поспецифични пребарувања како „Restaurants in Skopje my friends like“.
Досега Graph Search им беше достапен на одреден број на тестери, на кои Facebook им се заблагодари за фидбекот кој помогна да се направи подобрувања во брзината и точноста на пребарувањата. „Во претходните неколку месеци десетици милиони луѓе ни помогнаа во подобрување на овој продукт“, вели Facebook.
Facebook Graph Search на корисниците им овозможува да пребаруваат низ содржината на своите пријатели како што се фотографии, информации и тоа што на нивните пријатели им се допаѓа. На примерот кој го споменавме погоре, може да се надоврзе и „Music liked by people who like IT.com.mk“ и да видиме каква музика слушаат нашите фанови. Но, како оваа алатка влијае на приватноста на корисниците?
„Приватноста е нешто за што ние се грижиме, и токму затоа уште на самиот почеток направивме да може да се пребаруваат работи кои се видливи само за вас на Facebook“, вели Том Стоки, водечки инженер зa Graph Search.
Facebook дополнително ќе ги извести корисниците да ги прегледат своите поставувања за приватност и да направат дополнителни измени доколку е потребно.
[youtube]SD951tHz38g[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
