По повод петиот роденден на App Store, неколку одлични iOS апликации и игри сега се бесплатни за симнување. Од денес бесплатни се апликациите Day One, Over, Barefoot World Atlas и Traktor DJ, но и игрите Infinity Blade II, Superbrothers, Where is my Water?, Badland и Tiny Wings.
Цените на овие апликации досега се движеа од два до десетина долари со исклучок на Traktor DJ, апликација за DJ ентузијасти за која беа потребни дваесетина долари. За среќа, за разлика од поголемиот број најави или промоции кои се најчесто ексклузивни за САД, овојпат Apple ја сподели љубовта со целиот свет. Листата на бесплатни апликации се чини дека не е затворена, па до крајот на неделата можеби ќе има уште некое изненадување.
Ова е само почеток на прославата на Apple која според најавите ќе кулминира на 10 јули. Дата на која пред пет години и официјално се отвори првата продавница за апликации. На почеток со скромни 500 апликации, а сега една од причинитe за огромниот успех на Apple. За пет години бројот на апликации достигна 900.000, а бројот на преземања се приближува до 50 милијарди. Од тогаш бројот на „продавници“ за апликации постојано расне, а најголеми конкуренти на АppStore се Google Play и Windows Store.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
