Во своите по-закон-задолжителни документи за излегување на берзата, Facebook, покрај идните планови за растoт на компанијата, ги објави и можните ризици. Според Facebook, една од поголемите опасности со кои би се соочила компанијата е цензурирање на мрежата и незаинтересираност од корисниците бидејќи ќе се појави некоја нова подобра технологија.
Дечките од Mashable убаво ја сумираа листата од 35 ризици, а ние ви ја пренесуваме. Eве од што се плаши Facebook:
- Може да изгубиме корисници, или да не добиеме нови.
- Да изгубиме интерес за рекламирање, или новите технологии да ги блокираат рекламите.
- Мобилната платформа на Facebook не прикажува реклами, колку повеќе расне, толку полошо за нас.
- Платформата за Facebook апликации може да не биде успешна.
- Конкуренцијата од Google, Microsoft и Twitter може да стане пожестока.
- Повеќе земји да го блокираат Facebook.
- Корисниците ќе се заинтересираат за нови продукти.
- Facebook културата е рапидна иновација и интеракција со корисниците – ова може да му наштети на профитот.
- Неочекувани идни настани можат да му наштетат на брендот.
- Технички грешки може да дадат пристап до лични информации кои треба да се заштитени.
- Медиумите може да не „стават на пик“.
- Нашите финансиски резултати се тешки да се предвидат.
- Zynga придонесува со 12 отсто од нашите приходи. Ако останеме без нив, тоа ќе ни наштети.
- Нашите приходи пораснаа за 88 отсто лани – и тоа не е одржливо. Растот најверојатно ќе успори.
- Американските закони и регулации можат да се променат.
- Ако нашите патенти и авторски права не ни се одобрат – или не се ефективни – може сериозно да ни наштетат.
- Имаме тужби за патенти кои можат да завршат лошо.
- Имаме и тужби од граѓани кои можат да завршат лошо.
- Марк Закерберг има премногу акции, така моќта е во рацете на еден човек.
- Има комплицирани регулативи за данок на одредени акции – можат да бидат оданочени со 45 отсто.
- Ако ни треба повеќе инвестиција, правилата не би биле соодветни.
- Трошоците можат да растат побрзо од приходите.
- Многу од нашите сервери се одржувани од трети страни, и тоа може да биде проблем.
- Започнавме да градиме наши дата центри за да се справиме со сообраќајот, и имаме лимитирано искуство со такви работи.
- Нашиот софтвер е неверојатно сложен и може да има многу грешки.
- Не може да кажеме со сигурност дека ќе се справиме со растот соодветно – имаме над 3.000 вработени и тоа може да излезе од контрола.
- Ако го изгубиме нашето водство, како Закерберг или шефот за операции, Шерил Сандберт, тоа ќе ни наштети.
- Луѓето може да не тужат за било какви работи постирани на Facebook – авторски права, интелектуална сопственост, клевети и така натаму.
- Има опасност од вируси, хакирања, фишинг измами и злонамерен софтвер.
- Платежните системи на Facebook апликациите може да значат и нови владини регулации.
- Постојано се прошируваме надвор од САД, и не ги знаеме ризиците со кои ќе се соочиме во другите земји.
- Планираме да купиме многу нови компании, кои можат да ја попречат работата на Facebook.
- Може да банкротираме.
- Нашите даночни обрски се поголеми од тоа што мислевме.
- Реформите за оданочување во САД може да ни наштетат повеќе од очекувано.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
наштат, псравиме, итн. алооо дај бе оправете се, до кога со вакви дебилни грешки??? Читајте по 2-3 пати, или описменете се, напорно е да се читаат грешки.
П.С. Да не се дечките од Машабле, нема да постоите…
Фала за забелешките.
п.с. Да не се дечките од Mashable сигурно ќе има некој друг во САД! (и има такви многу) кој што ќе сподели информации за новите ИТ нешта.